Largohet Sara Karaj, ja kush janë 5 finalistët e “Ferma VIP”

Sara Karaj i ka dhënë fund rrugëtimit të saj në spektaklin “Ferma VIP”, vetëm pak ditë para finales së madhe, duke surprizuar publikun dhe duke ndryshuar dinamikën e garës.

Konkurrentja, e cila ishte pjesë e spektaklit që nga dita e parë, konsiderohej një ndër favoritët për të arritur deri në fund dhe për të pretenduar çmimin kryesor. Megjithatë, loja mori një kthesë të papritur pas dy humbjeve radhazi në sfida vendimtare.

Këto rezultate e çuan Sarën në një televotim përballë Ilirit, ku publiku pati fjalën e fundit. Në përballjen direkte, ishte pikërisht Sara ajo që humbi mbështetjen e mjaftueshme për të vijuar më tej, duke u eliminuar nga gara vetëm tre ditë para finales.

Pas largimit të saj, në garë mbeten pesë finalistë: Moza, Iliri, Soni, Bujaka dhe Visi, të cilët do të përballen në finalen e madhe për të rrëmbyer çmimin kryesor.

Fituesi i këtij edicioni do të shpërblehet me çmimin e madh, ndërsa katër finalistët e tjerë do të marrin nga 10 mijë euro secili, duke e bërë garën edhe më të fortë dhe emocionuese në ditët e fundit.