SHBA i shpallin luftë Mafies Kalabreze!
Publikuar nga Sara Bregu
Sot, Zyra për Kontrollin e Pasurive të Huaja (OFAC) pranë Departamentit të Thesarit të SHBA-së vendosi sanksione ndaj dy organizatave ndërkombëtare të përfshira në trafikun e drogës: bandës së motoçiklistëve të jashtëligjshëm “Comanchero” (Comancheros), me bazë në Australi, dhe “‘Ndrangheta”-s, një organizatë kriminale e stilit mafioz me bazë në Itali.
“Kartelët nuk veprojnë të izoluar. Ata shfrytëzojnë organizata të tjera kriminale — siç janë ‘Comancheros’ dhe ‘Ndrangheta’ — për të transportuar drogë, për të pastruar të ardhurat nga aktivitete të paligjshme dhe, në fund të fundit, për të helmuar amerikanët me narkotikë,” deklaroi Sekretari i Thesarit, Scott Bessent.
“Departamenti i Thesarit do të vazhdojë të zbulojë dhe të çmontojë rrjetet narko-terroriste, për ta mbajtur Amerikën të sigurt.”
‘Comancheros’ dhe ‘Ndrangheta’ drejtojnë rrjete kriminale ndërkombëtare të sofistikuara, të cilat lehtësojnë trafikimin e drogës në shkallë të gjerë dhe pastrimin e parave. ‘Ndrangheta’ kontrollon një pjesë të konsiderueshme të tregtisë së kokainës në Evropë, ndërsa ‘Comancheros’ kanë mundësuar qasjen në disa nga tregjet e drogës më fitimprurëse në nivel global.
Departmenti i Thesarit të SHBA -se me Zyrën e saj (OFAC)-u gjithashtu bashkëpunoi ngushtë me partnerë kyç ndërkombëtarë, përfshirë Policinë Federale Australiane, Policinë e Zelandës së Re, Guardia di Finanza-n italiane, Policinë Mbretërore Kanadeze të Kalorësisë dhe Policinë Rajonale të York-ut në Kanada. Bashkëpunimi i tyre ishte thelbësor për zbatimin e këtij aksioni.
OMERTA – ‘NDRANGHETA’
‘Ndrangheta — një organizatë ndërkombëtare e përfshirë në trafikun e drogës dhe një sindikatë kriminale e natyrës mafioze — vepron në më shumë se 80 vende dhe vazhdon të zgjerohet. Zbatimi i parimit të omertà-s (kodit të heshtjes) dhe mbështetja te lidhjet e thella të gjakut i kanë mundësuar ‘Ndranghetës të ruajë fshehtësinë, të forcojë besnikërinë e brendshme, t’u bëjë ballë infiltrimeve dhe të shtrijë ndikimin e saj kriminal ndër breza e përtej kufijve kombëtarë.
Me origjinë nga Kalabria e Italisë, ‘Ndrangheta e ka shtrirë praninë e saj në të gjithë Evropën, Hemisferën Perëndimore dhe Australinë. Si një nga organizatat kriminale më të mëdha në botë, ‘Ndrangheta i siguron pjesën më të madhe të fitimeve nga trafikimi i drogës.
Sipas disa vlerësimeve, ajo kontrollon pothuajse 80 për qind të tregtisë së kokainës në Evropë. Ndonëse veprimtaria e saj përqendrohet kryesisht te trafikimi i kokainës, zyrtarë italianë kanë deklaruar se ‘Ndrangheta ka filluar të zgjerohet edhe në tregun e paligjshëm të fentanilit.
‘Ndrangheta bashkëpunon shpesh me organizata meksikane dhe amerikano-jugore të trafikimit të drogës, si dhe me organizata të huaja terroriste (FTO) — përfshirë Kartelin Sinaloa, CJNG-në dhe Clan del Golfo,
Në të kaluarën, ‘Ndrangheta ka bashkëpunuar gjithashtu me grupe të tjera meksikane të trafikimit të drogës, të cilat janë të përcaktuara si organizata të huaja terroriste, siç janë Los Zetas (të njohur tashmë si Cartel del Noreste) dhe Karteli i Gjirit (Gulf Cartel).
Mes të sanksionuarve është Angelo Figliomeni, i identifikuar nga Departamenti i Thesarit si një figurë kyçe në degën kanadeze të organizatës.
Uashingtoni thekson gjithashtu rolet e Cosimo Figliomenit, Francesco Commissos, Remo Commissos dhe Jimmy DeMarias brenda të ashtuquajturës “Dhomë Kontrolli e Torontos” – një organ që, sipas autoriteteve amerikane, ndërhyn në vendimmarrje dhe në zgjidhjen e mosmarrëveshjeve të brendshme brenda rrjetit kriminal.
Masat gjithashtu vënë në shënjestër Luigi Vescio Sr.-në dhe një sërë subjektesh biznesi të lidhura me të, përfshirë firma të shërbimeve funerale dhe një kompani për dhënien me qira të limuzinave në Ontario.
Departamenti i Thesarit i identifikon këto struktura si pjesë të rrjetit ekonomik që lidhet me individët e sanksionuar, duke theksuar përqendrimin amerikan te lidhjet midis organizatave kriminale dhe aktiviteteve të biznesit që duken të ligjshme.
Lidhja midis dy fronteve të operacionit është veçanërisht shpjeguese për strategjinë amerikane. Ndonëse ’Ndrangheta dhe Comancheros veprojnë në rajone të ndryshme gjeografike, Uashingtoni i sheh ato si komponentë të një ekosistemi të vetëm kriminal, ku bashkëpunimi midis organizatave mundëson shpërndarjen e funksioneve logjistike, financiare dhe operacionale.
Administrata Trump synon ta godas këtë sistem përmes një qasjeje që Thesari e përshkruan si të bazuar në rrjet: duke synuar njëkohësisht udhëheqjen e këtyre organizatave, ndërmjetësit e tyre, lehtësuesit e tyre dhe strukturat ekonomike të përdorura për të mbështetur aktivitetet e paligjshme.
Keni një histori? Denonco anonimisht, identiteti juaj mbrohet.
Denonco





