Bllokohen 26 tonë misër nga Serbia

Rezultoi me përmbajtje mbi normë të alfatoksinës B1

Drejtoria Rajonale e Autoritetit Kombëtar të Ushqimit në Qarkun Shkodër ka referuar një kompani tregtare në prokurori për import të misrit nga Serbia. Në magazinat e kompanisë “Modi” shpk në Shkodër u bllokuan 26 tonë misër rifuxho, pasi analizat treguan nivele të tejkaluara të alfatoksinës B1, substancë e dëmshme për shëndetin.

Sipas kallëzimit penal të hartuar nga autoriteti, kompania akuzohet për mashtrim në lidhje me produktet ushqimore. Fillimisht, Drejtoria Rajonale kishte vendosur bllokimin e mallrave deri në përfundimin e analizave laboratorike, por më pas subjekti dyshohet se ka shkelur sërish ligjin duke manipuluar produktet e bllokuara.

Autoriteti Kombëtar i Ushqimit nënvizon rëndësinë e respektimit të standardeve të sigurisë ushqimore dhe paralajmëron inspektime të vazhdueshme për të parandaluar rreziqet për konsumatorët.