Aleksandër Koçeku e dinte rrezikun që i kanosej
Flet i afërmi i viktimës në Dukagjin
Një i afërm i Aleksandër Koçekut, i cili u vra një ditë më parë në Shkodër, ka deklaruar se viktima ishte në dijeni të rrezikut për jetën për shkak të një konflikti të hershëm. Sipas tij, hasmëria që rëndonte mbi familjen ishte e njohur si për institucionet, ashtu edhe për opinionin publik.
Ai tha se Koçeku ishte ruajtur për një periudhë të gjatë, por ishte i detyruar të vazhdonte punën për të siguruar jetesën. Sipas dëshmisë, viktima punonte në furrën e bukës pranë banesës së tij, pavarësisht kërcënimeve që i kanoseshin.
“Ishte një konflikt që e dinë shteti dhe të gjithë. Është ruajtur, por duhet të ushqehej. Kemi një person në burg me të cilin kemi pasur hasmëri. Ai punonte te furra e bukës pranë shtëpisë,” u shpreh i afërmi, ndërsa hetimet për zbardhjen e plotë të ngjarjes vijojnë.
Keni një histori? Denonco anonimisht, identiteti juaj mbrohet.
Denonco
