Anton Martini largohet nga Hetimi Tatimor, ja kush e zëvëndëson

Anton Martini është larguar nga detyra e drejtorit të Hetimit Tatimor, në një tjetër ndryshim në nivelet drejtuese të administratës publike.

Në vend të tij është emëruar Everest Kazheli, i cili vetëm pak ditë më parë ishte caktuar në krye të Drejtorisë Vendore të Agjencisë Shtetërore të Kadastrës në Elbasan. Megjithatë, qëndrimi i tij në këtë post zgjati vetëm rreth tre orë, pasi më pas dha dorëheqjen.

Anton Martini, ish-prokuror, drejtonte Drejtorinë e Hetimit në administratën tatimore që prej vitit 2024.

Ndërkohë, Kazheli ka një eksperiencë të mëparshme në strukturat e Kadastrës. Ai ka drejtuar Drejtorinë Vendore të ASHK-së në Fier, si dhe strukturën e këtij institucioni në Lushnjë.

Lëvizja vjen në një periudhë ndryshimesh në nivelet drejtuese të institucioneve shtetërore, pas edhe emërimit të drejtueses së re të Përgjithshme të Burgjeve.