Austria i bllokon llogaritë bankare Arbër Veliajt

Drejtësia austriake ka vendosur bllokimin e llogarive bankare të Arbër Veliajt, emri i të cilit është përfshirë në hetimet financiare të SPAK lidhur me Erion Veliajn.

Arbër Veliaj zotëron 100% të kompanisë “Gogel GmbH”, e cila zotëron po 100% të “Reg Investitions GmbH”. Të dyja kompanitë kanë të njëjtën adresë në Vjenë dhe, sipas të dhënave të publikuara, kanë pasur aktivitet financiar në vlera miliona eurosh.

Në Shqipëri, Veliaj është marrë në pyetje nga SPAK dhe kompanitë e lidhura me të janë kontrolluar nga BKH. Megjithatë, deri tani nuk është bërë publike ndonjë masë personale ndaj tij.

Bllokimi i llogarive në Austri ngre pikëpyetje mbi ecurinë e hetimit në Shqipëri dhe nëse SPAK po e heton Veliajn si person përgjegjës apo po fokusohet vetëm te kompanitë dhe transaksionet e lidhura me të.