Balluku rekurs kundër ndalimit të daljes jashtë shtetit

Zv.kryeministrja Belinda Balluku ka paraqitur rekurs në Gjykatën e Lartë kundër masës së sigurisë që i ndalon daljen jashtë territorit të Shqipërisë, masë e vendosur në kuadër të procesit penal ndaj saj.

Ndërkohë, Kuvendi i Shqipërisë ka shtyrë mbledhjen e parashikuar për shqyrtimin e çështjes së imunitetit të Ballukut, ndërsa Gjykata Kushtetuese nuk ka dhënë ende një vendim lidhur me këtë dosje.

Belinda Balluku është marrë e pandehur nga Prokuroria e Posaçme (SPAK) për dy procedura tenderimi publik, me një vlerë totale rreth 210 milionë euro, çështje që ndodhen aktualisht në proces gjykimi.