Basha akuzon kryeministrin: Rama mban Shqipërinë në vendnumëro

Kreu i PD, Lulzim Basha ka reaguar për gjetjet e raportit të Transparency International, duke akuzuar kryeministrin Edi Rama se “e mban Shqipërinë në vendnumëro”.

Krydemokrati thotë se lufta kundër korrupsionit është interesi kombëtar i PD-së në këtë moment ku ndodhet vendi.

“Raporti i fundit i “Transparency International” konfirmon se armiku i mirëqenies së shqiptarëve është korrupsioni. Përhapja e tij në çdo nivel të qeverisë Rama po e mban Shqipërinë në vendnumëro”, shkruan Bashas në një postim në Twitter.

Sipas tij, “ndonëse një grusht i vogël njerëzish po mundohen ta mbajnë peng të ardhmen, ajo tashmë ju përket shqiptarëve!”

“Lufta kundër korrupsionit është sot interesi ynë kombëtar, për të çliruar vendin dhe institucionet e tij nga të korruptuarit”, thekson lideri i demokratëve.