Defekti në tubacionin kryesor/ Durrësi pa ujë të pijshëm

Një defekt në tubacionin kryesor DN 700 mm në Durrës, ka bërë që qyteti bregdetar të të vuaj furnizimin me ujë të pijshëm.

Ujësjellës Kanalizimi Durrës, ka lajmëruar qytetarët që si rezultat i defektit do të ketë probleme me furnizimin me ujë të pijshëm sot dhe nesër.

“Si rezultat i një defekti ne tubacionin kryesor DN 700 mm te furnizimit me uje te qytetit te Durrësit, gjatë mbrëmjes se sotme dhe ditës se nesërme do te ketë probleme ne furnizimin me ujë në të gjithë zonën qe mbulohet me këtë shërbim. UKD, duke kërkuar mirëkuptimin e qytetareve, bën të ditur se është duke punuar për riparimin e defektit ne një kohë sa më të shpejtë”- thuhet në njoftimin e UKD.