Ditën e varrimit politik të Erion Veliaj dhe video e Olsit

Hysni Gurra|Opinion|Publik.al

Ditën e varrimit politik të Erion Veliajt, mediat hermafrodite nxjerrin si padashje një lajm që kanë muaj që e mbajnë në sirtarë.

Sot është dita e varrimit politik të Veliajt, ditë që Rama u kujton shumë socialistëve bëmat e Enver Hoxhës, që vriste shokët e vet (flas për socialistë progresistë, që e duan PS një forcë progresiste europiane, jo për mbeturinat që e duan PS siç e pati Enveri), dhe fiks në këtë ditë del video që Arjan Ndoja, (sot deputet i PD) ka qenë mes të ftuarve në një ndenje ku ishte i pranishëm edhe Olsi Rama, në një kohë që nuk ishte as deputet, as kandidat për kandidat.

—Më shumë se vëllait të Olsi, kjo video sot nuk i intereson kurrkujt, për këto arsye:

-Të qënit e Ndojës në atë darkë nuk është vepër penale. As e për Olsin jo. Është për vëllain e Olsit që ka patur fuqi ekzekutive dhe u ka dhënë ç’i ka dash qejfi grupeve të dyshimta. Kështu që video nuk ka dalë për të ndihmuar në iluminim e shqiptarëve, as për inkriminimin e Ndojë e Olsit, se nuk ndodh nga aq sa duket në video, dhe mjeshtri e di këtë. Ama efektin propagandistik e ka të madh video.

-Për turmën që beson çfarë sheh në rrjet më shumë se Biblën e Kuranin, kjo është një ushqim i mirë. Tregon që ja, njëlloj janë si Rama, si Berisha. Nga ta kthesh këtë punë njëlloj është dmth.

Por që në të vërtetë nuk është aspak ashtu. Është një operacion PR i mirëmenduar dhe që prè mund të bien edhe njerëz me mend në kokë. Vëllai i Olsit e di mirë se sado të sqarohet kjo, efektin në trurin e turmave do ta bëjë sikur t’i kesh droguar, kushedi sa është duke qesh ne mej mejhane andej nga Austria ku ndodhet sot vëllai Olsit.