Dolën për të rrëzuar Ramën, protestuesit djegin vilën e Enverit
Sulmohet nga protestuesit e PD shtëpia e ish-diktatorit Enver Hoxha.
Tubimi i PD ka dalë jashtë kontrollit. Masivë molotovësh dhe mjetesh piroteknike janë hedhur drejt vilës së Enver Hoxhës në zonën e ish-Bllokut. Molotovë janë hedhur në ballkonet e vilës ndërsa brenda ndodhen dhe njerëz, ndërtesë e cila tashmë është kthyer në qendër të artistëve.
Theksojmë që shumica e molotovëve të protestës së sotme u hodhën pikërisht në këtë ndërtesë. Protestuesit e drejtuar nga Berisha u nisën për të rrëzuar Edi Ramën dhe përfunduar duke I vënë flakën, shtëpisë së ish-diktatorit të vdekur.
Në protestën e sotme, organizatorët e protestës së PD, e kursyen Kryeministrinë nga molotovët.
Tubimi nisi përpara godinës së Kryeministrisë, për t’u zhvendosur më pas drejt Drejtorisë së Përgjithshme të Policisë. Pas kalimit në qendër të qytetit, protesta vijoi pranë selisë së Partisë Socialiste dhe më pas zbriti drejt Drejtorisë së Policisë Tiranë.
Keni një histori? Denonco anonimisht, identiteti juaj mbrohet.
Denonco
