Dy anije ruse me naftë dëmtohen në Detin e Zi

Dy anije me cisterna nafte ruse dhe 29 anëtarë të ekuipazhit në bord janë dëmtuar rëndë në Detin e Zi, duke shkaktuar një derdhje nafte, thanë autoritetet në Rusi.

Pamjet e publikuara nga Prokuroria Jugore e Transportit të Rusisë treguan një nga cisternat e thyera në gjysmë dhe duke u fundosur mes një stuhie të fortë.

Një anëtar i anijes raportohet se ka humbur jetën ndërsa anija e dytë ka vijuar lundrimin mes vështirësive të motit dhe për shkak të dëmtimeve.

Incidenti ndodhi në ngushticën Kerç, e cila ndan Rusinë nga gadishulli i okupuar i Krimesë. Një operacion shpëtimi dhe pastrimi është duke u zhvilluar që përfshin rimorkiatorë, helikopterë dhe më shumë se 50 persona personel, njoftoi agjencia e lajmeve TASS.

Ai gjithashtu raportoi se autoritetet ruse po hetojnë për neglizhencë kriminale.

“Sot, si pasojë e një stuhie në Detin e Zi, dy cisterna, Volgoneft-212 dhe Volgoneft-239, u përmbytën”, shkroi në një deklaratë agjencia federale e transportit detar dhe ujor të brendshëm të Rusisë, Rosmorrechflot.

“Në bordin e anijeve kishte ekuipazhe prej 15 dhe 14 personash. Aksidenti rezultoi në derdhjen e produkteve të naftës,” vazhdoi ai.

Të dy cisternat kanë një kapacitet ngarkimi prej rreth 4,200 ton naftë, njoftoi agjencia e lajmeve Reuters.