Dyshohet se shiti ndeshjen, Flamurtari përjashton kapitenin e ekipit

Një zhvillim i bujshëm ka tronditur ambientin e ekipit të Flamurtarit të Vlorës pas humbjes ndaj Bylisit.

Presidenti i klubit vlonjat, Sinan Idrizi, ka marrë vendimin drastik për të përjashtuar kapitenin e skuadrës, Lorenc Trashi, menjëherë pas përfundimit të takimit.

Burime pranë klubit bëjnë me dije se shkak është bërë penalltia e shkaktuar nga Trashi në minutën e 97-të, një episod që dyshohet se mund të ketë qenë i qëllimshëm nga ana e futbollistit dhe që në fund rezultoi vendimtar për humbjen e skuadrës bregdetare.

Ky moment ka shkaktuar reagime të forta jo vetëm brenda klubit, por edhe te tifozët, të cilët kanë protestuar pranë stadiumit Flamurtari pas përfundimit të ndeshjes.

Vendimi i Sinan Idrizi vjen në një klimë të tensionuar, ndërsa humbja dhe mënyra si erdhi ajo duket se nuk është kapërdirë lehtë në kampin vlonjat.