E rëndë, vetëvritet 69-vjeçari në Vlorë

Një 69-vjeçar nga Vlora, me inicialet K.B., dyshohet se i ka dhënë fund jetës me armë zjarri.

Ngjarja është regjistruar rreth orës 16:00 në fshatin Mallkeq, ku 69-vjeçari është gjetur i pajetë në oborrin e banesës së tij.

Sipas të dhënave paraprake, dyshohet se ai vuante nga depresioni.

Policia e Vlorës njofton se grupi hetimor ndodhet në vendngjarje dhe po vijon punën për të zbardhur rrethanat e plota të ngjarjes.

“Rreth orës 16:00, në fshatin Mallkeq, dyshohet se është vetëvrarë me armë zjarri automatik, në oborrin e banesës së tij, shtetasi K. B., 69 vjeç. Nga të dhënat paraprake dyshohet se 69-vjeçari vuante nga depresioni. Grupi hetimor ndodhet në vendngjarje dhe po vijon veprimet për sqarimin e plotë të rrethanave të ngjarjes”, bën me dije Policia e Vlorës.