Emërohet në krye të burgut të Vlorës, prokuroria kërkoi dënimin me burg/ Emri

Egon Velaj, ish-kreu i ALUIZNI-t në Vlorë është emëruar sot në krye të burgut në këtë qytet.

Velaj që raportohet se është i afërm i deputetit Fate Velaj, rezulton se ka në ngarkim një proçedim penal për shpërdorim detyre gjatë kohës që mbante funksionin e Drejtorit të ALUIZNI-t në qytetin e Vlorës.

Mediat kanë publikuar shpesh herë denoncime në drejtim të Velajt, që më pas duket se janë hetuar edhe nga prokuroria e cila në shkurt të 2019 e ka nxjerrë fajtor dhe kërkon dënimin me 8 muaj heqje lirie.

Seanca e rradhës në ngarkim të tij zhvillohet më 21tetor, por duket se kjo situatë nuk e ka penguar aspak ministren e Drejtësisë dhe Drejtorin e Përgjithshëm të Burgjeve, që të emërojnë Egon Velajn në krye të burgut të Vlorës.

Seanca e radhës për dhënien e vendimit, nga gjyqtare Atalanta Zeqirja, Gjykata e Rrethit Vlorë, është caktuar në datën 21 tetor 2019.

Në prokurorinë e Vlorës janë të regjistruara rreth 3 denoncime të tjerë për legalizimet e jashtëligjshme që ai ka bërë, gjatë kohës që drejtonte ALUIZNI-n.