Emigranti s’nxjerr dot pasaportën shqiptare, Berisha: Ky është shërbimi në Narkorepublikën e Noriegës

Një emigrant shqiptar në Greqi ka rrëfyer vuajtjet që po kalon, sorollatjet nga shteti në shteti sepse sistemi i mInistrisë së Brendshme është bllokuar. Shqetësimin e tij ai ka dashur ta bëjë publik dhe ia ka dërguar ish-kryeministri Sali Berisha, i cili e ka postuar me shënimin e tij plot ironi dhe keqardhje: “Ky eshte sherbimi per qytetaret ne Narkorepubliken e Norieges. Lexoni mesazhin e emigrantit dixhital”, fton Berisha.

“ I dashur doktor jam emigrant shqiptar qe jetoj ne greqi. Nuk po mundem te bej aplikimin per pasaporte per femijet eshte hera e dyte qe vij nga Kozani ne Korce dhe me thone hajde neser se sot spunon sistemi.

Erdha nje jave me pare me thane ska sistem lashe punen ika prape ne greqi.
Erdha dje pe greqie qe sot te isha ne mengjes. Shkoj tek zyra e pasaportave dhe me thone nuk punon prape e ka fajin gjendja civile.

Shkoj tek gjendja civile me tho e ka rene sistemi ne Ministri nuk e dime kur vjen.

Kam humbur 2 dite pune heren e pare dhe sot prape. Keta thone spunon gjendja civile. Askush nuk po mendon per ne emigrantet.

Te lutem publikoje mesazhin tim ndoshta kujtohen e rregullojne”