Fitorja historike e Shqipërisë ngre në këmbë gjithë shqiptarët
Fitorja historike e Kombëtares shqiptare në përballjen ndaj Serbisë ka ndezur një valë entuziazmi nga Tirana në Prishtinë e deri në Nju Jork.
Në mbarë vendin ka nisur festë e madhe për fitoren historike.
Me golin vendimtar të Rei Manajt dhe një performancë të jashtëzakonshme në fushë, kuqezinjtë jo vetëm siguruan pikë të çmuara, por edhe krenarinë e një kombi të tërë.
Në Tiranë, mijëra tifozë shpërthyen në festë pas përfundimit të ndeshjes.
Tifozët e kombëtares, në pamundësi për të ndjekur sfidën nga afër, u mblodhën në kryeqytet, teksa krijuan një atmosferë elektrizuese.
Nuk munguan këngët, vallet, ndërsa flamujt mbizotëruan kudo. Fitorja e djemve të Silvinjos është festuar edhe në rrugët e Prishtinës. Goli i realizuar nga Manaj u festua me shkrepje të armës në rrugët e kryeqytetit kosovar.
Pamje të ngjashme janë shfaqur edhe nga lokalet me shqiptarë kudo nëpër botë.
Keni një histori? Denonco anonimisht, identiteti juaj mbrohet.
Denonco
