FOTOLAJM/Palma rrëzohet mbi automjet në bulevardin Vlorë-Skelë

Një automjet është dëmtuar si pasojë e rrëzimit të një tjetër palme në bulevardin Vlorë-Skelë.

Sëmundja që ka prekur prej kohësh palmat në bulevardin kryesor të qytetit ka bërë që shumë prej tyre të kalben nga brenda e të rrëzohen në tokë.

Bashkia prej kohësh ka lajmëruar zëvendësimin e tyre me pemë të tjera, por deri më tani asnjë masë nuk është marrë.

Në momentin e rrëzimit të palmës disa kalimtarë kanë qenë duke kaluar në atë zonë e kanë rrezikuar seriozisht të zihen poshtë nga pema e madhe.

Dëmtimit nuk i ka shpëtuar mjeti me targë AA 865 LU.