Franca me qëndrim ndryshe nga aleatët perëndimorë për Izraelin

Presidenti i SHBA Joe Biden kritikoi përpjekjet e Gjykatës Penale Ndërkombëtare për të kërkuar urdhër-arreste me akuza për krime lufte për kryeministrin izraelit Benjamin Netanyahu, ministrin e tij të mbrojtjes dhe tre liderë të Hamasit.

Franca u shkëput nga aleatët e saj perëndimorë, përfshirë SHBA-në, Britaninë e Madhe dhe Italinë, për të shprehur mbështetjen për Gjykatën Penale Ndërkombëtare (ICC).

Gjykata Penale Ndërkombëtare njoftoi vendimin e saj për të kërkuar urdhër-arrest për kryeministrin izraelit Benjamin Netanyahu, ministrin e tij të mbrojtjes dhe udhëheqësit e Hamasit, raporton CNN. 

Paris tha gjithashtu se ka paralajmëruar “për shumë muaj” nevojën për respektim të rreptë me ligjet ndërkombëtare humanitare dhe “në veçanti për nivelin e papranueshëm të viktimave civile në Rripin e Gazës dhe mungesën e aksesit humanitar”.

Franca ka qenë një nga vendet e pakta perëndimore të gatshme për të marrë një qëndrim më të ashpër ndaj Izraelit, duke përfshirë kritikimin e vendimit të SHBA për të vënë veton në rezolutat e armëpushimit në Këshillin e Sigurimit të OKB-së që herët dhe duke bërë thirrje për një armëpushim të menjëhershëm.

Më shumë se 900,000 njerëz, rreth 40% e popullsisë së Gazës, janë zhvendosur në dy javët e fundit ndërsa bombardimet izraelite vazhdojnë në pjesën më të madhe të enklavës, njoftoi OKB