Gazment Bardhi: Kush ia mbylli gojën Edi Ramës për SPAK-un?

Deputeti i PD, Gazment Bardhi shprehet se dikush apo diçka “i ka mbyllur gojën kryeministrit Rama në lidhje me SPAK-un”.

Me anë të një postimi në platformën sociale “X”, Bardhi ka publikuar edhe një video me deklaratat e Ramës, i cili fillimisht i kërkon SPAK të bëjë detyrën, ndërsa më pas shprehet se mbi drejtësinë nuk duhet të ketë ndërhyrje.

“Kush apo çfarë ia mbylli gojën Edi Ramës për SPAK-un?  Nga Asambleja në Asamble, kur i tregonte SPAK-ut vendin dhe si duhet ta bënte detyrën tek mbyllja e gojës pa bërë as gëk, as mëk!”, shkruan Gazment Bardhi.