GJAKMARRJA, “BBC” UDHETON NE SHKODER: FEMIJET NE KURTH

Hakmarrja është një pjatë që serviret e ftohtë, por në Shqipëri mund të shërbehet vërtet shumë e ftohtë. Mosmarrëveshjet e njohura si gjakmarrje mund të përcillen në gjenerata të tëra. Me këto fjalë nis reportazhi nga gjigandi mediatik anglez BBC lidhur me fenomenin e marrjes së gjakut në vendin tonë. Sipas artikullit, gjakmarrja mbetet një fenomen i fuqishëm dhe sot, ku 68 familje në Shkodër, në Veri të Shqipërisë, nuk munden dot të dalin nga shtëpitë e tyre.

Gazetaret e BBC të shoqëruar nga mësuesja e tij, Liljana Luani vizituan Nikon, një djalë 13-vjeçar, në fshatin e tij të vogël në Shqipërinë e Veriut I cili është ‘në gjak’, nën kërcënimin me vdekje për “krime” të supozuara, të kryera përpara se ai të lindte. Ndërkohë Gjovalin Loka, drejtori i Policisë së rajonit të Shkodrës thotë se po bën të pamundurën për të parandaluar dhe për të investiguar cështjet e gjakmarrjes.

Reportazhi mbyllet me shqetesimin e mesueses per nxenesin e saj te ngujuar ndersa apelon qe gjakmarrja është një problem që duhet të zgjidhet nga të gjithë. Duhet punuar shmë me prindërit, në vecanti me nënat e këtyre fëmjëve sepse janë nënat ato që u mësojnë dhe u kalojnë këtyre fëmijëve tolerancën, faljen dhe sesi të harrojnë dhe jo të vazhdojnë në ciklin e dhunës.