Bashkia Gjirokastër asnjë investim edhe pse presim Turistët…

Gjirokastra e UNESCO-s, pa tualete publike – një realitet që bie ndesh me imazhin e një qyteti që pret turistë nga e gjithë bota.

Ndërsa rrugicat me kalldrëm dhe trashëgimia unike e Gjirokastër-s tërheqin çdo ditë vizitorë, mungesa e shërbimeve bazë si tualetet publike mbetet një problem i dukshëm. Turistët përballen me vështirësi reale, ndërkohë që qyteti promovon veten si një destinacion elitar kulturor.

Nga ana tjetër, Bashkia Gjirokastër duket se nuk ka ndërmarrë investime konkrete në këtë drejtim, pavarësisht fluksit në rritje të turistëve. Një mungesë e tillë nuk është thjesht neglizhencë – është një sinjal i qartë i mosmenaxhimit të prioriteteve.

Në një qytet që mban statusin e trashëgimisë botërore, standardet nuk mund të jenë minimale. Sepse turizmi nuk matet vetëm me bukuri, por edhe me shërbim.