Gjykata e Posaçme rrëzon kërkesën e SPAK për 3 gjyqtarët e çështjes Dritan Dajti
Gjykata e Posaçme ka rrëzuar kërkesën e SPAK-ut për zgjatjen e afateve hetimore për tre gjyqtarët Skënder Damini, Petrit Aliaj dhe Aleks Nikolli.
Megjithatë, mësohet se SPAK do të ketë dhe pak kohë në dispozicion, pasi gjatë gjendjes së jashtëzakonshme afatet konsiderohen të pezulluara.
Ndërkohë tre gjyqtarët po hetohen për korrupsion, pasi pranuan gjykimin e shkurtuar për Dritan Dajtin duke e shpëtuar nga burgu i përjetshëm.
Kujtojmë që Dajti është shpallur fajtor për vrasjen e 4 policëve në vitin 2009, por pas përfitimit të gjykimit të shkurtuar ai u dënua përfundimisht me 25 vite burg.
Keni një histori? Denonco anonimisht, identiteti juaj mbrohet.
Denonco
