Gjykata Kushtetuese merr vendimin për pagat e Gjytarëve

Gjykata Kushtetuese ka shpallur vendimin për çështjen e pagave të gjyqtarëve, duke pranuar pjesërisht kërkesën e paraqitur nga organizatat e sistemit të drejtësisë dhe duke detyruar ndërhyrje ligjore nga legjislativi.

Sipas vendimit, Kushtetuesja ka rrëzuar disa dispozita të ligjit nr. 33/2023, që lidhen me ndryshimet në ligjin “Për statusin e gjyqtarëve dhe prokurorëve në Republikën e Shqipërisë”, duke i cilësuar ato si të papajtueshme me Kushtetutën.

Kërkesa për shqyrtim ishte paraqitur nga Unioni i Gjyqtarëve dhe Shoqata Kombëtare e Gjyqtarëve, ndërsa qeveria kishte paraqitur qëndrimin kundërshtues gjatë procesit.

Në përfundim të shqyrtimit, gjykata vendosi:

• Pranimin pjesërisht të kërkesës së paraqitur nga gjyqtarët.

• Shfuqizimin e fjalisë së parë të shkronjës “a” të nenit 1 dhe të pikës 2 të nenit 2 të ligjit nr. 33/2023, si dispozita në kundërshtim me Kushtetutën.

• Detyrimin e Kuvendi i Shqipërisë që të miratojë ndryshimet e nevojshme ligjore sipas arsyetimit të vendimit, brenda datës 31 korrik 2026.

• Efektet e shfuqizimit do të hyjnë në fuqi me miratimin e ndryshimeve ligjore dhe, në çdo rast, jo më vonë se 31 korrik 2026.

Vendimi është përfundimtar dhe hyn në fuqi ditën e botimit në Fletoren Zyrtare, ndërsa arsyetimi i plotë do të publikohet brenda afateve ligjore të parashikuara.

Vendimi i Gjykatës Kushtetuese:

Në përfundim të shqyrtimit të kësaj çështjeje, për arsyet e mësipërme, Gjykata, me shumicë votash, vendosi:

1. Pranimin pjesërisht të kërkesës.

2. Shfuqizimin e fjalisë së parë të shkronjës “a” të nenit 1, si dhe të pikës 2 të nenit 2 të ligjit nr. 33/2023, datë 25.05.2023 “Për një ndryshim në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, të ndryshuar, si të papajtueshme me Kushtetutën e Republikës së Shqipërisë.

3. Detyrimin e Kuvendit të miratojë ndryshimet ligjore të nevojshme, sipas arsyetimit të këtij vendimi, brenda datës 31.07.2026.

4. Efektet e shfuqizimit sa më lart hyjnë në fuqi ditën e hyrjes në fuqi të ndryshimeve ligjore dhe, në çdo rast, jo më vonë se data 31.07.2026.

5. Ky vendim është përfundimtar dhe hyn në fuqi ditën e botimit në Fletoren Zyrtare.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese