Goditet me levë avokati i ish-kryeministrit Sali Berisha!

Sokol Mëngjesi, avokati i ish-kryeministrit Sali Berisha është goditur me levë.

Incidenti ndodhi rreth orës 08:30 në kopshtin 31 në zonën e ish-Bllokut.

Autorët e qëlluan 34-vjeçarin me sende të forta në kokë. Avokati u dërgua me urgjencë në Spitalin e Traumës.

Sokol Mëngjesi ka një frakturë në kokë dhe dëmtime.

Për momentin ai është në urgjence dhe në gjendje stabël.

Nuk dihen ende rrethanat e ngjarjes, ndërsa policia ka nisur kërkimet për identifikimin dhe më pas kapjen e autorëve. Mëngjesi ushtron profesionin e avokatit prej vitesh.

Njoftim paraprak i Policisë së Shtetit

Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat.
I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.

Gjendja e tij shëndetësore është normale.

Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.