Google do të penalizojë faqet që nuk tregojnë origjinën e tyre

Google do të penalizojë në një të ardhme shumë të shpejtë, të gjitha faqet e internetit që maskojnë vendin e tyre të origjinës.

Kështu, një faqe me prejardhje ruse që, për shembull, përpiqet të prezantohet si një faqe amerikane e informacionit, nuk do të shfaqet më në kërkimet e lajmeve në Google.

Kjo është masa e fundit e miratuar nga kompania kaliforniane në kontekstin e luftës kundër “fake news” (lajmeve të rreme).

Gjiganti i internetit ka vendosur të bllokojë nga rezultatet e motorit të tij të kërkimit për faqet e lajmeve në internet dhe faqet e informacionit që maskojnë vendin e tyre të origjinës ose që me qëllim mashtrojnë lexuesit.