U zgjodh më pak e pëlqyera nga publiku

Hygerta Sako, e cila u shpall më pak e preferuara e publikut në spektaklin e së hënës në Big Brother VIP, u duk e habitur dhe e zhgënjyer nga rezultati. Momenti i shpalljes e gjeti ish-Miss-in të surprizuar, ndërsa pas Prime ajo u pa duke folur e mërzitur me Shkurte Haxhiun për situatën.

“Më pak e preferuara? Unë po marr kohë, po nxjerr gjithçka… tani do ta mendoj. Nëse jam më pak e preferuar, çfarë i duhem këtij formati? Të rri larg fëmijës tim… Për t’iu mbushur mendjen këtyre që të jesh karagjoz është më me vlerë se të jesh njeri i drejtë dhe pozitiv? Jo, nuk e dua,” tha Hygerta, me tone të qarta zhgënjimi.

Deklarata e saj la të kuptohet se ajo po reflekton seriozisht mbi qëndrimin e mëtejshëm në garë, duke vënë në dyshim nëse ia vlen të vazhdojë larg fëmijës së saj për një format ku, sipas saj, “vlerësohen karagjozllëqet, jo korrektësia”.

Sako shprehet e habitur që, pavarësisht se thotë se ka qenë korrekte dhe e drejtë me të gjithë, nuk ka marrë mbështetjen që priste nga publiku.