I dënuar për trafik droge në Itali, kapet në Durrës

Një person i dënuar në Itali, me 14 vjet burgim, për trafik droge është vënë në prangat e policisë së Durrësit.

Gjatë operacionit të koduar “Wanted 37”, u kap në lagjen nr. 17/1, dhe u arrestua me qëllim ekstradimin në Itali, Kastriot Dyrmishi, alias Kastriot Dermishi, 43 vjeç, banues në Durrës.

Ai ishte shpallur në kërkim ndërkombëtar, pasi Gjykata e Apelit, Firenze, Itali, e ka dënuar me 14 vjet burgim, për veprën penale “Trafikimi i lëndëve narkotike”, dënim nga i cili i kanë mbetur për të vuajtur 12 vjet, 9 muaj dhe 24 ditë burgim.

Interpol Tirana, në bashkëpunim me homologët italianë, vijon procedurat për ekstradimin e këtij shtetasi, në Itali.