I jepet lamtumira Ilarias, mamaja e shqiptares në kujë: Ku je o shpirti im?

Sot, në qytetin e Ternit, është mbajtur funerali i Ilaria Sulës, studentes shqiptare që u vra në mënyrë makabre nga ish-i dashuri i saj filipinas, Mark Antony Samson. Trupi i 22-vjeçares është shoqëruar nga qindra qytetarë, miq, familjarë dhe përfaqësues të shoqatave të dhunës ndaj grave.

Gjatë ceremonisë, nëna e Ilarias, Gëzime Sula, e shkatërruar nga dhimbja ka shpërthyer në lot duke thirrur emrin e së bijës, një skenë e cila preku të gjithë ata që ishin të pranishëm. Edhe pse shoqërohej nga bashkëshorti i saj Flamuri dhe djali Leoni, nëna e 22-vjeçares nuk ka mundur ta përballojë këtë humbje dhe një karrige me rrota është përdorur për shoqërimin e saj.