Identifikohet autori i telefonatës për bombë në makinën e gjyqtarit, kush është i dënuari për vrasje që ngriti alarmin

Nderkohe, policia ka bere me dije se eshte identifikuar autori i telefonates se rreme, dhe se ka nisur procedimi ndaj tij.

Neim Behari eshte personi qe ka kryer telefonaten. Ky i fundit vuan denimin per vrasjen e nje taksisti ne vitin 2005.  Nderkohe ne 2016 ai ka kercenuar nga burgu i Fushe Krujes per akte teroriste ne kryeqytet. 

“Identifikohet dhe procedohet, autori i telefonatës së rreme të kryer sot tek organet e rendit, sipas të cilës, në mjetin e një gjyqtari ishte vendosur lëndë plasëse.

Specialistët e Seksionit për Hetimin e Krimeve, në Komisariatin e Policisë Korçë, në vijim të punës për zbardhjen dhe dokumentimin e ngjarjes së ndodhur më datë 15.10.2019, referuan materialet shtesë pranë Prokurorisë të Rrethit Gjyqësor Korçë, në ngarkim të shtetasit:

N.B, 34 vjeç, banues në Lapardha, Berat (i cili aktualisht vuan dënimin në IEVP-Drenovë, për veprën penale “Vrasja”)”, ka njoftuar policia e Korçes.

Gjatë kryerjes së veprimeve hetimore rezultoi se ky shtetas, kishte telefonuar Policinë nga ambjentet e IEVP-së, duke pretenduar se në mjetin e gjyqtarit M.K, ishte vendosur lendë e dyshuar plasëse, e cila nuk u konstatua gjatë kontrollit të ushtruar.

Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.