IKE PLAKU MERE, ME GJITHË TESPIJE….

Publikuar nga Andi Myrta

Si një i sëmurë mendor që sheh fantazma Rama doli pa gdhirë për të na treguar se një dorë e huaj me dron me eksploziv donte të sulmonte kopshtin e tij të edenit 4 milionë eurosh në Kryeministri. Pasi e shndërroi në bordello të krimit SHISHI-in dhe çdo institucion serioz duke i vënë palaço në krye sot nuk ka asnjë zyrë shteti në vend ku shqiptarët mund të kenë besim. Do kishte mjaftuar një deklaratë e shërbimit informativ për të rrëzuar halucinacionet e tij dhe mendjen perverse të autoviktimizimit. Tani është vonë për të qarë e për të kërkuar: TË ULEMI TË FLASMI! Shqiptarët nuk kanë më çfarë flasin pas 4 mandatesh me një hajdut të paskrupullt e të babëzitur që qeverisi me krimin. Ti ia ke pirë gjakun njerëzve të thjeshtë e pastaj je tallur me ta. Koha jote mbaroi! Ti nuk përfaqëson më askënd, le pastaj të rinjtë! Ata nuk janë si pllakat e bulevardit që mund t’i shkulësh me buldozer. As me polici. As me dhunë! Dorëzohu! Çdo orë që kalon veç thellon gremisjen tënde pa kthim! IKE PLAKU MERE, ME GJITHË TESPIJE….