Infektohet Shqiptari i parë me koronavirus

Më herët u raportua se një shqiptar ishte infektuar nga koronavisuri në Itali.

Bëhet fjalë për një 43 vjeçar nga Kuçova i cili jeton në Codogna. Lajmi është konfirmuar nga familja e tij për “Ora News”, momentalisht gjendja e tij shëndetësore është me e mirë janë shprehur familjarët, por vazhdon të qëndrojë i shtruar në spital.

Ndërkohë numri i personave që kanë humbur jetën nga koronavirusi në Itali është rritur me 133 brenda një dite duke e cuar në 366, thonë zyrtarët. Numri i personave të infektuar është rritur me 25% në 7.375 nga 5.883, sipas agjencisë së Mbrojtjes Civile Italiane.

Rritja e shifrave vjen ndërsa miliona njerëz u përshtaten me masat e reja të prezantuara të dielën nga kryeministri për të parandaluar përhapjen e shpërthimit të koronavirusit. Gati 16 milion njerëz në Lombardi dhe 14 provinca janë izoluar dhe kanë nevojë për leje të veçantë për të udhëtuar jashtë zonës.

Shifrat e fundit tregojnë se Italia tani ka numrin më të madh të të infektuarëve jashtë Kinës, ku shpërthimi filloi në muajin dhjetor.