Kapshticë, rivihet në punë sistemi TIMS në pikën kufitare

Rivihet në punë sistemi TIMS në pikën e kalimit kufitar të Kapshticës, pas sulmit kibernetik nga hakerat iranë, që e bllokuan mbrëmjen e 9  shtatoritdhe duke detyruar Policinë Kufitare të rikthente regjistrat manualë.

“Sipas informacioneve zyrtare nga Drejtoria e Kufirit në juglindje, udhëtarët po kalojnë nëpërmjet sistemit teknologjik TIMS dhe jo regjistrave manualë, siç ndodhi ditën e djeshme. Edhe pse në punë, sistemi ende nuk është normalizuar 100%,pasi funksionon në mënyrë të ngadaltë,” njoftoi gazetarja e SYRI TV.

Në pikën e kalimit kufitar të Qafë Thanës dhe atë të Tushemishtit, sistemi TIMS është ende jashtë funksionit. Në këto pika punohet ende në mënyrë manuale me regjistra.