KQZ i jep mandatin deputetit të ri të PD-së

Pasi ish- deputeti Eduart Halimi hoqi dorë nga politika për të vijuar rrugën e juristit, mandati i tij u kthye në “mollë sherri” në PD, për faktin se ai i takonte një gruaje pasi PD nuk kishte plotësuar 30 për qindëshin e kuotës gjinore.

Juvina Jani dhe Monika Qosja vunë në dijeni KQZ se dorëhiqen nga mandati i deputetit dhe për rrjedhojë nuk kanë sjellë në KQZ as formularin e dekriminalizimit.

Astrit Veliaj ka paraqitur gjithë dokumentacionin dhe formularin e dekriminalizimit.

Mazhoranca e akuzoi Bashën se kishte ndërhyrë që mandati t’i kalonte Astrit Veliaj, i cili ka qenë edhe më herët deputet.