Kryemadhi i përgjigjet kryeministrit për ironinë me videon e Spanjës: Batutat e Ramës nuk kanë më vlerë

Kryemadhi ka publikuar një video ku shihet se makinat kanë ngelur të bllokuara në rrugë, ndërsa shkruan se batutat e Ramës nuk kanë më vlerë.

Ajo akuzoan kryeministrin se vështirësitë me të cilat përballen qytetarët janë si pasojë e paaftësisë së tij dhe premtimeve të pambajtura.

“Batutat e Ramës nuk kanë më asnjë vlerë përballë krizave që e kanë gjetur shtetin të paaftë për t’u përgjigjur ndaj tyre. Qytetarët e dinë mirë se vështirësitë që ata përballen janë pasojë e paaftësisë së tij, premtimeve të pambajtura prej tij, mungesës së seriozitetit nga ana e tij.

Papunësia, pandemia, tërmetet, përmbytjet e shiut dhe ‘ngrirja’ e vendit prej borës sot, nuk do të kishin pasoja kaq shkatërrimtare nëse papërgjegjshmëria e tij nuk do të ishte reflektuar në papërgjegjshmëri të qeverisjes.

Ktheju punës, mbaji premtimet, çoji paratë për emergjencën civile, mos paguaj oligarkët por mbështet financiarisht qytetarët dhe mos prit të të lexojë njeri fatin, sepse ja ke shkruajtur vetë vetes. Më 25 prill, Shqipëria shtëpia e shqiptarëve”, shkruan Kryemadhi.