“Kultura e Shkodrës është më fortë se plumbat e drogës”, nis marshimi kundër krimit në Shkodër

Me parullën “Kultura e Shkodrës është më fortë se plumbat e drogës”, shkruar në një pankartë që i paraprinte protestuesve, qytetarët kanë marshuar paqësisht në Shkodër.

Qytetarët shkodranë, së bashku me drejtuesit lokale të bashkisë kanë nisur rreth orës 19.00 në një marrshim-protestë kundër krimit, pas ngjarjeve të fundit që kanë tronditur qytetin.

Ndryshe nga çdo protestë tjetër, ishin të pranishëm edhe përfaqësuesit e komuniteteve fetare. Arqipeshkvi i Shkodrës, imzot Angelo Massafra, Hoxha i xhamisë së Rusit, Fejzi Zaganjori dhe përfaqësuesi i Kishës Ortodokse të cilën mbështetën protestën e shkodranëve kundër krimit.