Kush është shqiptar ‘problematik’ në Qipro që ndodhet nën akuzat në kërkim për kërcënime me vrasje e trafik drogë

Mediat greke raportojnë se bëhet fjalë për shtetasin Jorgo Rrenjollari, ndaj të cilit është lëshuar urdhër-arrest nga autoritetet e Qipros. Rasti i parë, i cili po hetohet nga autoritetet është kryer në dhjetor 2021, në Limasol dhe ka të bëjë me veprat e komplotit për kryerjen e një krimi dhe mbajtjen e paligjshme të drogës me qëllim furnizimin. Rasti i dytë ka të bëjë me veprat e kanosjes me shkrim për vrasje dhe kërcënimeve me dhunë, të kryera midis 14 dhe 24 qershor 2022.

Më datë 2 dhjetor të vitit të kaluar drejtonte një makinë në Qipro brenda të cilës ishte një çantë me 4 pako që përmbante 3.5 kg marijuanë. Ndonëse pasagjeri në mjet u arrestua, 41-vjeçari arriti që t’i shpëtonte policisë.