Ky është 70-vjeçari që vrau fqinjin në Laknas për një kanal

Personi që shihni në foto është autori 70-vjeçar Maliq Marku që ekzekutoi ditën e sotme 55-vjeçarin Shefqet Hasa.

Shkak për konfliktin që përfundoi në vrasje është bërë një kanal. Raportohet se viktima punonte si shofer në linjën e urbanit te Kamzës.

Gjithashtu në konflikt e sipër mbeti i plagosur edhe një person tjetër, Besim Keça. Fatmirësisht, ai ndodhet jashtë rrezikut për jetën. Pas ngjarjes, policia arrestoi autorin dhe sekuestroi armën e përdorur për vrasjen. Ndërkohë që grupi hetimor po punon në hetimin e plotë të rrethanave të ngjarjes.