Lëvizje në burgun e Durrësit, emërohet drejtori i ri (EMRI)

Institucioni i Ekzekutimit të Vendimeve Penale (IEVP) në Durrës ka nisur javën me lëvizje të rëndësishme në strukturat drejtuese. Indrit Cërloj është prezantuar zyrtarisht si drejtori i ri i burgut të Durrësit, duke marrë detyrën pas periudhës tranzitore ku institucioni drejtohej nga Edmond Llabanaj në komandim.

Cërloj vjen nga Inspektorati Shtetëror Shëndetësor në Durrës, ku ka ushtruar funksionin e drejtuesit dhe është angazhuar në kontrolle sanitare, inspektime shëndetësore, si dhe menaxhimin e fushatave të rëndësishme gjatë periudhës së pandemisë. Përveç karrierës profesionale, ai njihet edhe për aktivitetin e tij në jetën publike të qytetit, si ish-anëtar i Këshillit Bashkiak.

Emërimi i tij shihet si pjesë e një riorganizimi më të gjerë në sistemin e burgjeve dhe forcimit të administrimit në këtë sektor. Burime nga drejtoria e përgjithshme bëjnë me dije se priten edhe lëvizje të tjera në varësinë e institucioneve penale gjatë javëve në vijim.