Arratisja e Altin Ndocit, arrestohet ish drejtori i burgut të Durrësit

Është arrestuar Indrit Cërloj, vetëm një ditë pasi u shkarkua nga detyra e drejtorit të Burgut të Durrësit, në kuadër të hetimeve për arratisjen e të dënuarit Altin Ndoci.

Mësohet se arrestimi lidhet me dyshime për shkelje të rënda në ushtrimin e detyrës, që dyshohet se kanë favorizuar ose lehtësuar arratisjen nga paraburgimi.

Cërloj pritet të merret në pyetje nga autoritetet, ndërsa hetimet vijojnë për të zbardhur përgjegjësitë dhe rolin e personave të tjerë të përfshirë në këtë ngjarje të rëndë.

Arratisja e Altin Ndocit ka tronditur sistemin dhe ka nxitur reagime të forta, duke sjellë lëvizje të menjëhershme në strukturat drejtuese të burgjeve. Hetimet janë në zhvillim.