Makina del nga rruga, plagoset rëndë një person

Një aksident është regjistruar në fshatin Strikçan të Bulqizës, pasi një makinë tip ‘Benz’ ka dalë nga rruga.

Ka mbetur i plagosur një person. I plagosuri është Elton Neziri, 33 vjeç që pritet të transportohet me helikopter drejt spitalit të Traumas në Tiranë.

Aksidenti ka ndodhur këtë mëngjes, por ende nuk dihen shkaqet se pse makina ka dalë nga rruga.

Në vendin e ngjarjes ka shkuar policia, e cila po vijon punën për zbardhjen e plotë të shkaqeve të aksidentit.