MBANTE ARMË PA LEJE NË BANESË, ARRESTOHET FIERAKU

Burime nga policia bëjnë me dije se në pranga ka rënë G.K, 34 vjeç, banues në Levan, Fier.

Arrestimi i këtij të fundit është bërë pas informacioneve të marra nga qytetarët.

Njoftimi i policisë:

Falë bashkëpunimit me qytetarët, bie në prangat e policisë një shtetas për armbajtje pa leje.

Nga informacionet e marra nga qytetarët, policia ushtroi kontroll në banesën e shtetasit G.K në Levan ku ju gjet e u sekuestrua një armë zjarri automatike me një karikator dhe 20 fishekë.

Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:

G.K, 34 vjeç, banues në Levan, Fier.

Materialet do i kalojnë Prokurorisë pranë Gjykatës së Shkallës së Parë Fier për veprën penale “Prodhimi dhe mbajtja pa leje e armëve dhe municionit luftarak”.