Mediat ruse i bëjnë jehonë reagimit të Ramës për gafën e Trump-it

Mediat ruse, përfshirë RT (Russia Today), i kanë dhënë jehonë një batute të kryeministrit shqiptar Edi Rama gjatë një takimi me presidentin francez Emmanuel Macron dhe presidentin e Azerbajxhanit, Ilham Aliev.

Gjatë punimeve të Komunitetit Politik Evropian, që po zhvillohet në Kopenhagen të Danimarkës, Rama bëri një koment ironik, duke iu referuar një deklarate të mëhershme të ish-presidentit amerikan Donald Trump, i cili pati ngatërruar Shqipërinë me Armeninë, duke thënë se kishte ndërmjetësuar për t’i dhënë fund “konfliktit” mes Shqipërisë dhe Azerbajxhanit – një gabim që në kohën e vet shkaktoi reagime dhe humor në mediat ndërkombëtare.

Duke shfrytëzuar momentin, Rama i tha Macron se duhej t’i kishte uruar atij dhe presidentit Aliev për paqen e arritur, duke e vijuar me humor kërkesën që Macron të kërkonte falje për mungesën e këtij urimi.

“Na uroni që më në fund kemi bërë paqe”, u shpreh Rama me ironi, duke iu referuar në mënyrë të tërthortë gafës së Trump.

Videoja e momentit është shpërndarë nga mediat ruse, të cilat shpesh i kushtojnë vëmendje episodeve të tilla që vendosin në pah momentet komike apo gafat e liderëve perëndimorë. Ky reagim i mediave ruse nuk është i pazakontë, sidomos në raste kur përmes humorit nxirren në pah çështje të ndjeshme ndërkombëtare apo lapsuse të rëndësishme politike.

Ky episod nënvizon edhe një herë stilin ironik dhe joformal të Ramës në arenën ndërkombëtare, si dhe mënyrën sesi ai përdor humorin për të krijuar ndërveprime më të lehta në forume të nivelit të lartë.

Albanian PM jokes about Trump’s claim that he ended the war between ‘Azerbaijan and Albania’

‘You should make an apology to us,’ Rama tells Macron

‘Because you didn’t congratulate us for the peace deal that President Trump made between Albania and Azerbaijan’ pic.twitter.com/0bVbZ03dFW

— RT (@RT_com) October 2, 2025