Mbrojtësi shfaqet në stadiumin “Loro Boriçi”

Vllaznia dhe Dinamo City u përballen në stadiumin Loro Boriçi, në një sfidë të vlefshme për javën e 29-të të Abissnet Superiore. Ndeshja e cila nisi në orën 18:00, solli një atmosferë të ndezur, me një prani të konsiderueshme tifozësh në shkallët e stadiumit.

Në tribunë gjatë sfidës është vënë re edhe mbrojtësi i Kombëtares shqiptare, Mario Mitaj, i cili ishte ulur pranë presidentit të Vllaznisë, Alban Xhaferi. Prania e tij nuk ka kaluar pa u vënë re, duke tërhequr vëmendjen e tifozëve dhe mediave sportive të pranishme.

Mitaj ndodhet aktualisht i grumbulluar me përfaqësuesen shqiptare për sfidën e radhës ndaj Polonia, pas ftesës së marrë nga trajneri Sylvinho.

Gjatë qëndrimit në Shqipëri, ai duket se ka zgjedhur të ndjekë nga afër edhe kampionatin vendas, duke qenë i pranishëm në këtë takim dhe duke mbështetur ekipin shkodran nga tribunat.