Nuk qenka Dumani, ja kush e paska zbuluar “PLUMBIN e ARTË”

Gazetarja Anila Hoxha, gjatë një interviste në programin “Top Story”, ka folur mbi kandidatët që synojnë drejtimin e SPAK-ut, duke dhënë detaje interesante mbi profilin e secilit prej tyre.

Në fokus të bisedës së saj ishte prokurorja Doloreza Musabelliu, e cila është e vetmja femër që ka shprehur interes për të udhëhequr Prokurorinë e Posaçme. Hoxha e vlerësoi Musabelliu si një profesioniste të lartë dhe e përmendi si atë që ka zbuluar emrin e Nuredin Dumanit, tashmë të penduarin e drejtësisë. Sipas gazetares, Musabelliu ka hetuar dhe ka sjellë dënime ndaj grupeve kriminale si dhe ka marrë pjesë në hetime të ndjeshme, si çështja e “Plumbit të Artë”, duke përfshirë edhe hetimin e gjyqtarëve.

“Doloreza Musabelliu ka pasur një rol modest, por ka bërë hetime të fuqishme. Ka hetuar grupin e ‘Plumbit të Artë’, ka zbuluar emrin e Nuredin Dumanit dhe është e para që ka pasur sukses me disa të penduar. Çështja e Haxhisë është një tjetër shembull i punës së saj. Ajo është një prokurore me shumë integritet dhe ka një profil të lartë,” tha Hoxha.

Në konkurrencë për drejtimin e SPAK-ut janë edhe emra të tjerë të njohur, si Elvin Goka, Adnan Xholi dhe Klodian Braho, të cilët synojnë të udhëhojnë këtë institucion për një mandat 3-vjeçar, pa mundësinë e rikandidimit.

Ky proces do të përzgjedhë drejtuesin e ri të Prokurorisë së Posaçme, një vend që ka një rëndësi të veçantë në luftën kundër korrupsionit dhe krimit të organizuar në Shqipëri.