Paraqitet në SPAK ish-gjyqtarja Pajtime Fetahu

Pak kohe pasi u lirua nga burgu për shkaqe shëndetësore, ish-gjyqtarja e Elbasanit, Pajtime Fetahu është paraqitur këtë të martë në ambientet e SPAK për t’u marrë në pyetje.

Fetahu po hetohet nga SPAK pasi dyshohet për korrupsion në lidhje me organizatat kriminale të Elbasanit të drejtuara nga Suel Çela dhe vëllezërit Çopja.

Sipas njoftimit të SPAK, Fetahu u ka dhënë vëllezërve informacione sekrete. Ish-gjyqtarja sipas SPAK dyshohet se mori 11 mijë euro, një monedhë floriri dhe priste edhe një aparat celular nga anëtarë të grupit kriminal “Çopja”.

Pajtime Fetahu ndodhej në qelinë e paraburgimit që prej muajit nëntor të vitit 2024 në kuadër të një urdhër arresti të lëshuar nga SPAK, mbi hetimet për Suel Çelën dhe anëtarët e grupit të tij në Elbasan.

Po ashtu emri i saj doli sërish më pas në operacionin e SPAK “Plumbi i Artë 2” për grupet kriminale, ku u lëshuan mbi 30 urdhër-arreste.

Ish-gjyqtarja dyshohet se mori 11 mijë euro, një monedhë floriri dhe priste edhe një aparat celular nga anëtarë të grupit kriminal “Çopja”. Ajo akuzohet për korrupsion, ndërsa dha dorëheqjen nga sistemi i drejtësisë më 16 nëntor 2022, vetëm pak ditë para kur duhej t’i nënshtrohej procesit të Vettingut.