“PD pa moral! Në Parlament është me Iranin, në seli me SHBA-në”

Juristi Kreshnik Spahiu ka kritikuar ashpër qëndrimin e Partia Demokratike e Shqiperise lidhur me rezolutën e miratuar në Kuvendi i Shqiperise për shpalljen e Irani si “shtet sponsor të terrorizmit”.

Gjatë një lidhjeje live në një emision televiziv, Spahiu e cilësoi sjelljen e opozitës si të paqëndrueshme dhe të pamoralshme.

Sipas tij, Partia Demokratike ka mbajtur një qasje të dyfishtë: mungesë në seancën plenare ku u votua rezoluta dhe më pas një deklaratë publike kundër Iranit nga selia e partisë. Ai theksoi se kjo sjellje krijon perceptimin e një politike të paqartë dhe kontradiktore.

Spahiu u shpreh se në Kuvend nuk pati asnjë votë kundër, duke ngritur pyetje mbi mungesën e qëndrimeve të hapura, qoftë edhe kritike ndaj politikave të Shtetet e Bashkuara te Amerikes. Ai nënvizoi se të qenit kundër një qëndrimi ndërkombëtar nuk është domosdoshmërisht i gabuar, por problemi qëndron tek mungesa e koherencës.

Në analizën e tij, Spahiu argumentoi se ndërsa socialistët mund të kritikohen për afrim me SHBA-të, mungesa e një qëndrimi të qartë nga opozita është edhe më problematike. Ai e përshkroi këtë si një formë “dyfytyrësie” në politikën shqiptare.

“SHBA-të dhe Uashingtoni nuk kanë nevojë për servilizmin e Ramës dhe votën pro të Shqipërisë. Madje as ka për ta marrë vesh ndonjëherë Trump që ky Parlamenti në Shqipëri ka votuar këtë Rezolutë. E dyta, nëse të gjithë ne do të biem dakord që kjo vota e socialistëve ka një gjysmë dinjiteti për shkak të servilizmit ndaj SHBA-ve, unë do të thoja se mungesa e votës kundra ka zero dinjitet.

Sot në Kuvend nuk pati asnjë votë kundër. Që do të thotë a ka sot njerëz me qëndrim anti-amerikan? Ka plotë. Që të jesh kundër qëndrimeve të SHBA-së, shpesh herë mund të jetë edhe e moralshme e parimore. Çështja është te dyfytyrësia e politikës shqiptare.

Që do të thotë, fillojmë nga PD, në Parlament është me Iranin, kur shkojnë te selia e partisë, janë me SHBA-të. Pra nuk marrin pjesë aty sepse duan të mbajnë një qëndrim pro-europian, pastaj kur shkojnë te partia bëhen pishman dhe dalin japin një konferecë shtypi kundër shtetit iranian dhe e shpallin organizatë terroriste. Ky qëndrim i dyfishtë është më e pamoralshmja”, tha mes të tjerash Spahiu.

Kujtojmë se grupi parlamentar i Partia Demokratike e Shqiperise nuk mori pjesë në seancën ku u miratua rezoluta, por më pas, përmes një deklarate nga selia e partisë, e konsideroi Iranin si vend që sponsorizon terrorizmin.