Pësoi infrakt, Florenc Spaho i shpëton jetën punonjësit 58-vjeçar

Një ndërhyrje e menjëhershme në një moment kritik ka bërë të mundur shpëtimin e jetës së një punonjësi 58-vjeçar, i cili pësoi infarkt të miokardit.

Ngjarja lidhet me administratorin e Illyrian Guard, Florenc Spaho, i cili, pasi u informua nga stafi për gjendjen e rënduar shëndetësore të punonjësit me inicialet B.M., ndërhyri pa humbur kohë për t’i dhënë ndihmën e parë.

Duke vënë në zbatim njohuritë e tij profesionale si mjek, Spaho kreu masazh kardiak dhe vijoi ndërhyrjen deri në mbërritjen e ambulancës.

Florenc Spaho ka drejtuar më herët edhe Qendrën Spitalore Universitare “Nënë Tereza”, përvojë që i mundësoi të reagonte në kohë përballë situatës emergjente.

Ndërhyrja e shpejtë në këto momente kritike rezultoi vendimtare për t’i dhënë 58-vjeçarit ndihmën e nevojshme përpara mbërritjes së ekipit mjekësor.