PL kërkesë KQZ-së për kandidatin Kreshnik Hajdari është i dënuar në Greqi: Mos regjistrohet në zgjedhje, të hetohet për fshehjen e të dhënave

Partia e Lirisë ka kërkuar ka depozituar në Komisionin Shtetëror të Zgjedhjeve kërkesën për ndalimin e kandidimit të Kreshnik Hajdarit kandidatit të PS për Bashkinë e Kuçovës.

Në deklaratën e PL, thekson se kërkesa vjen pasi në media u mësua se Hajdari është dënuar në Greqi dhe nuk e ka deklaruar në formularin e dekriminalizimit.

Sakaq, Partia e Lirisë ka kërkuar që KQZ të bëjë verifikimet dhe të ndalojë kandididimin e Hajdarit në zgjedhjet e 14 majit, dhe ka dorëzuar kërkesën në Prokurori për të nisur hetim penal ndaj këtij për fshehje të të dhënave.

Deklaratë e plotë e Partisë së Lirisë:

Partia e Lirisë ka depozituar në Komisionin Shtetëror të Zgjedhjeve  kërkesën për ndalimin e kandidimit të Kreshnik Hajdarit kandidatit të Partisë Socialiste për Bashkinë e Kuçovës. Kërkesa e Partisë së Lirisë dhe koalicionit ‘Bashkë Fitojmë’ vjen pas daljes në media të një dënimi që zoti Kreshnik Hajdari ka marrë në Greqi dhe nuk e ka deklaruar në formularin e dekriminalizimit.

Në kërkesën e Partisë së Lirisë thuhet se vendimi i Kuvendit të Shqipërisë numër 17/2016 përcakton qartë këto kritere dhe Partia e Lirisë kërkon që Komisioni Shtetëror i Zgjedhjeve të bëjë verifikimet e nevojshme dhe të ndalojë kandidimin e Kreshnik Hajdarit.

Partia e Lirisë e ka dorëzuar kërkesën dhe në Prokurorinë e Përgjithshme për të nisur hetim penal ndaj zotit Kreshnik Hajdari për fshehje të të dhënave.