Në foto: Adriatik Zotkaj, Edi Rama, Ardian Çela, Damian Gjiknuri
Disa preventivë të OSHEE-së të siguruara nga Hashtag.al, kanë zbuluar se kompania ‘Perla e Tomorrit’ (Albania Beverages Group), rezulton me 18 milionë lekë detyrime të papaguara në OSHEE, afro 170 mijë dollarë.
Në këtë kompani është aksionar kryesor kryetari i Bashkisë së Poliçanit, zoti Adriatik Zotkaj, ndërsa më herët kanë qenë aksionarë dhe deputetët socialist Fidel Ylli apo dhe Vladimir Kosta.
Preventivët e Drejtorisë Rajonale të OSHEE-së në Berat, zbulojnë se kjo kompani ka të paktën tre vite që nuk kryen pagesa për shpenzimet e energjisë elektrike.
Detyrimet e listuara në preventivët e OSHEE-së
Periudha kur kjo kompani rezulton debitore ndaj OSHEE-së përfshin dhe intervalin e viteve 2014-2015, kohë kur qeveria e rilindjes ndërmori një aksion total në mbarë vendin për likujdimin e detyrimeve.
Kjo kompani biznesi në të cilën rezultojnë aksionarë, disa figura të spikatura të rilindjes, duket se nuk i është nënshtruar rregullit dhe fushatës për shlyerjen e detyrimeve të energjisë, nisur tre vite më parë.
Në vijim mund të lexoni raportimet mediatike për tre raste vetëvrasjesh të qytetarëve debitorë:
Rasti i Haki Dodës
Rasti i Klajdi Muçës
Rasti i Qamil Zelës/ hashtag.al
